【明報專訊】話說近來證監做嘢，非但DQ了不少上市公司，還封殺了不少活躍莊家，這導致了兩個結果：一是沒有被封殺的莊家的生意多了很多，另一個就是有不少新晉莊家加入市場。
不過，有一個在幾個月前才加入市場、非常活躍的大莊家，有內地背景，連續多隻新股都升了不少，近日卻收斂了。某名仁兄對其評語是﹕「梗係啦，大陸人，識買貨，不識沽貨，搵晒啲friend齊齊坐住，一股不沽，股價梗係升，但愈坐愈多，坐到無晒錢，𠵱家咪做唔到嘢囉！」所以，講到貨如輪轉，識炒股票，都是香港人叻啲。
有位朋友參選立法會，交了申請表，要100個提名，原來十分麻煩。因為你搵一個朋友，要他簽提名，再吹吹水，敘下舊，計埋車程，就要兩三個鐘頭。再者，很多朋友原來都不是住在同一選區，要提名也沒法提。
難靠街站收集足夠選舉提名
好了，如果找不夠朋友，便擺街站，原來街站的簽名人，好多都不是選民，平均要5個到10個簽名，先至有一個是選民。所以，如果你全部靠街站，要接近1000個簽名，先至有把握集齊100個有效提名。當然，你也可以逐一核實簽名的選民身分，不過很花時間。所以，擺街站只是做做宣傳，提名只能輔助。
不過最驚險當然是詹劍崙兩年前的參選啦，4點57分先至行到入政府總部，去到仲要填緊表，佢都話，如果早點參選，可能已經選到了。不過在近幾次，我的朋友參選，幾乎個個都瓜，但這一次有點例外，因為所有燈神聚集在身邊，可能負負得正，都說不定！
[周顯 投資二三事]
https://www.mpfinance.com/fin/columnist2.php?col=1463481127012&node=1517337730395&issue=20180131
沒有留言:
發佈留言