我為何不入黑社會

我小時候已經認識不少壞人，但卻一直沒入黑社會，不是沒機會，而是死不肯入。為甚麼呢？不是因為我的道德很高尚，而是因為那時我見到的黑社會們，都是窮到死的霉揼兜，食飯去茶餐廳，身邊又無女，就算有女，都係雞，喂，咁嘅環境，點入得過呀？如果入黑社會可以攬明星，揸波子，我一早入咗啦！所以我常常取 說，那些入黑社會的青少年，都蠢得像豬。

到了今時今日，黑社會這一行業更加難撈了。我的朋友G君，開了一間酒吧，他的說法是﹕「一個月畀皮半（按：即1.5萬元）泊車，所有代客泊車他們搞掂，有抄牌，他們要俾晒錢，行過條街，幾十人叫你蔡生蔡生，不知幾威，得閒叫人去傍住自己出巡威吓，又或者是同人嗌霎，吹雞兇人，一個醒五百，一百個先至五皮嘢找數，價廉物美，幾爽呀！」

我說：「做黑社會，從來都係笨實啦，以前幫大佬賣老翻，一個月醒幾千銀，打份麥記都好過佢。要坐監架噃，就算不加loading，都唔好低過最低工資吖！」

但有關黑社會的最精警句子，是一位江湖大佬說的：「你哋做股票嘅，以為自己呃人買股票好叻，其實最叻係我哋黑社會，呃班靚仔去劈友，只係醒幾千蚊，封他們做紅棍咋！」

看，我寫的東西，多麼的有警世意義！青年人必看！

近來最有心水的股票，就是「標準資源控股」（91），不過近來手氣麻麻，結果是叫了至親好友去買，自己不敢去買，但當它升了上去之後，又忍不住，高價追了幾百萬股，平價不買貴價買，真的是犯賤！