那天同朋友講起約腳「鋤弟」，我說，好耐無同阿松哥打了，他是常常輸錢的好腳呢！
朋友說﹕「近排佢間股票行的生意多到做唔切，得閒死唔得閒病，邊得閒同你打牌呀。」
「都上市啦，使乜咁博呀，得閒同朋友social下仲有益有建設性啦。」我說﹕「輸返錢畀我，照顧下我呢窮朋友，咁先係嘛。」
「你知他上市，一共用了多少錢？」朋友問。
「頭一次，遇上金融海嘯；第二次，遇上招行大地震；第三次才成功。」我說﹕「前後計埋，都要花五六千萬元，先可以埋單。」
「咁佢集資幾多錢？」朋友問。
「剩集資額，好像是3800萬左右。」我說﹕「不過殼價都值億幾兩億。」
細價股被喪炒
「五六千萬成本，搞5、6年賺兩億，這幾年不搞上市，炒乜股票都賺返來啦。」朋友說﹕「阿松梗係志不在此，上創仔只是第一步，上市後喪炒幾倍是小兒科，將來還有大把big tea rice要吃，趁而家個市好，搏命賺錢，出年轉埋主板，先至講啦。」
「咁又係，今年二三線股炒到慶烚烚，盲去做股票行都夠數，明年盤數一定靚啦。」我說﹕「以松哥咁精靈，是靈界出來的高人，賺夠數轉主板又容乜易呀，唔怪得佢咁博啦。」
「咪就係。」朋友說﹕「你想同他打牌，贏他的錢，過兩年先啦，或者有機會。」
沒有留言:
發佈留言