有一位青年才俊，在先前的一段時間，事業算是十分成功，但近年市場卻傳他好唔掂。不過近日有接近該才俊的人士說，他雖然生意不很順利，但是現金流都OK喎。
我說：「唔係喎，聽講話佢手頭揸住好多磚頭，槓桿好高，俾人call loan喎。」
知情人士說：「係呀，正係由於他的槓桿好高，兼且連股票的對賭合約都輸得甘，咁咪晨早幾年已經俾人call loan，果陣時磚頭仲有liquidity（流動性）賣咗啲，況且有部分是他十幾年前買返嚟，買入價不高，所以部分都有啲錢賺。」
高位賣樓賣藝術品套現
我說：「原來又係王健林翻版，槓桿高反而先甩身，塞翁失馬，焉知非福。」
知情人士說：「還有他在低位時買了不少藝術品，升咗幾十倍，都套咗好多錢返嚟。」
我問：「藝術品係重災區，佢沽到咩？」知情人士說：「幾年前沽㗎，果陣時仲係高位大把人接貨，我check過絕對係事實。」
我歎氣道：「一個人唔到山窮水盡，都唔會賣樓同賣藝術品，誰知反而救咗佢，真的是時也命也。」
周顯
沒有留言:
發佈留言