Know Your Client是趕客

【明報專訊】一位朋友問我，究竟阿邊個作到咁大，係唔係吹牛，係唔係真有錢㗎？

我說：「我唔識阿邊個喎，不過照我所知，一個人做得細價股的董事，頂籠是一億幾千萬身家的中產階級，要不就是正在博上位的後生仔，我好似未見過真正的有錢人去做這種工作噃。大股東唔肯做董事，甚至連大股東都唔做，搵橫手揸股票的人就大把。」

那天看新聞，看到證監正要打算放寬證券開戶。其實，證券戶口客戶，本來要求通過「KYC」，即「know your client well」的測試。但是，在今日的操作上，大家都不用經紀，用網上戶口了，很多客戶一生只去一次證券行，而且是白撞上去，一個經紀也不認識，如何做到「KYC」呢？與其自欺欺人，倒不如索性坦白承認在今日的世界，都是冷冰冰的機械交易，根本用不着「KYC」了。

新加坡開户方便快捷

其實，以前開銀行戶口，也要熟人擔保。看霍英東的傳記，在他發跡之後，家裏藏着大把鈔票，但因為沒有熟人介紹，也開不了銀行戶口，過了好幾年後，才終於託人介紹，開了戶口。這是直到60年代，恒生銀行首推出了10元開戶，自此客似雲來，生意大增。所以，一直有陰謀論說，當年它的擠提，是因為有人看不順眼它生意太好，因而有心整蠱。

說穿了，「KYC」做得太過徹底，根本就是趕客。你在香港的銀行開Private Banking戶口，查家宅咁查，查足一個月，才能開得到，據說是要符合洗黑錢條例。但如果你到新加坡去開，手續就快而簡單了，這就是競爭力，但當然，所謂的「競爭力」不過是美國主子的一念之間，新加坡的銀行戶口固然易開，但究竟有沒有偷偷的把資料輸送給美國，誰知呢？

[周顯 投資二三事]

http://www.mpfinance.com/htm/finance/20160323/columnist/en30_en30.htm